इसेवाबाट वैदेशिक रोजगार कल्याणकारी कोषमा रकम बुझाउन सकिने !

वैदेशिक रोजगार कल्याणकारी कोष

नेपालबाट हरेक दिन लगभग १५०० मानिस विदेशमा रोजगार अवसरका लागि जाने गर्दछन् । यसरी वैदेशिक रोजगारका लागि बाहिरी देश जान श्रम विभागबाट श्रम स्विकृती लिनु आवश्यक छ । श्रम स्विकृती लिनका लागि श्रमका लागि जान खोज्नुभएको व्यक्तिको मेडिकल जाँच, बीमा, साथै कल्याणकारी कोषमा रकम बुझाउनु पर्नेहुन्छ । यसरी कल्याणकारी कोषमा जम्मा गरिएको रकम वैदेशिक रोजगारका लागि गएका नेपालीहरुको हितका लागि प्रयोग गरिन्छ । विदेशी रोजगारमा संलग्न नेपाली कर्मचारीलाई असामयिक निधनका कारण नेपाल फर्काउन, हाल भई रहेको कोरोना महामारी  जस्ता कारणले अन्योलामा परेका नेपालीलाई घर फर्काउन जस्ता कार्यका लागि यो कोषको प्रयोग गरिन्छ ।

व्यक्तिगत वा म्यानपावरबाट कल्याणकारी कोषमा रकम बुझाउने

वैदेशिक रोजगारका लागि नियुक्ती दिन विभिन्न प्रक्रिया अपनाउन सकिन्छ: व्यक्तिगत वा इजाजत प्राप्त संस्थाद्वारा (म्यानपावर कम्पनी) । यदी आफैले आफ्नो साथीभाईको मद्दतबाट रोजगार अवसर खोजी श्रम स्विकृती लिने प्रक्रियामा हुनुहुन्छ भने तपाईंले इसेवाबाट व्यक्तिगत रुपमा कल्याणकारी कोषमा रकम बुझाउन सक्नुहुन्छ । पहिले रोजगार अवसरका लागि विदेशको कम्पनीमा गई सक्नुभएको र पुन: सोही ठाउँमा जान VISA Renew गर्न खोज्दै हुनुहुन्छ भने नविकरणका लागि अनलाईन फारम भर्नसक्नुहुन्छ र इसेवाबाट कल्याणकारी कोषमा रकम बुझाउन सक्नुहुन्छ । पहिले पढ्न / घुम्न विदेश गई त्यहीँ काम गरिरहनु भएको थियो र अब पुन: कानूनी प्रक्रिया पुरा गरी जाने क्रममा हुनुहुन्छ भने पनि तपाईंले इसेवाबाट व्यक्तिगत रुपमा कल्याणकारी कोषमा रकम बुझाउन सक्नुहुन्छ । यस्तै, यदी तपाईं म्यानपावर कम्पनीसँग संलग्न हुनुहुन्छ जसले नेपाल सरकारसँग इजाजत प्राप्त गरी नेपाली नागरीकलाई वैदेशिक रोजगारमा पठाउनुहुन्छ र कम्पनीबाट रोजगार अवसरका लागि पठाउन लागेको नेपालीहरुको एक मुस्ट कल्याणकारी कोषमा रकम बुझाउन चाहनुहुन्छ भने इजाजत प्राप्त गरेको समयमा पाउनुभएको लट नम्बर प्रयोग गरी पनि इसेवाबाट रकम बुझाउन सक्नुहुन्छ । 

तपाईं यदी ३ वर्ष भन्दा थोरै समयका लागि रोजगारमा जाँदै हुनुहुन्छ भने रु १५०० र यदी ३ वर्ष देखी १० वर्ष सम्मको समयका लागि रोजगारमा जाँदै हुनुहुन्छ भने रु २५०० कल्याणकारी कोषमा बुझाउनुपर्ने हुनेछ । 

वैदेशिक रोजगार कल्याणकारी कोषको शुल्क बुझाउन निम्न लिखित प्रक्रिया पुरा गर्नुहोस् :

१. इसेवा खातामा लग इन गर्नुहोस् ।

२. सर्च बारमा “Foreign Employment Welfare Fund” लेखी देखाइएको आइकनमा थिच्नुहोस् ।

३. व्यक्तिगत शुल्क बुझाउँदै हुनुहुन्छ भने “Individual” र म्यान पावरबाट शुल्क बुझाउँदै हुनुहुन्छ भने “Man Power” छनोट गर्नुहोस् ।

४. व्यक्तिगत शुल्क बुझाउँदै हुनुहुन्छ भने पासपोर्ट नम्बर र म्यान पावरबाट शुल्क बुझाउँदै हुनुहुन्छ भने पासपोर्ट नम्बर साथै लट नम्बर दाखिला गरी “Check” मा थिच्नुहोस् ।

५. देखाइएको विवरण सबै ठिक छ भनी प्रमाणित गरी शुल्क तिर्नुहोस् ।

यसरी वैदेशिक रोजगार कल्याण कोषमा बुझाएको रकमको टिपोट राख्न चाहनुहुन्छ भने माथिल्लो दायाँ कुनामा देखिने PDF को आइकनमा थिची भुक्तानी विवरण डाउनलोड गर्नुहोस् ।


के तपाईंको मोबाईलमा इसेवा एप छैन ? आजै डाउनलोड गर्नुहोस्: bit.ly/eSewa_App

हाम्रा सबै प्रकारका अफर र योजनाका बारेमा हामी सामाजिक संजालहरूमा नियमित पोस्ट गर्ने गर्दछौँ । कुनैपनि अपडेटहरु नछुटाउन हामीलाई Facebook, Instagram, Twitter, र Viber Community मा follow गर्नुहोस्।