उधारोको हिसाब राख्नेदेखि भुक्तानी सम्झाउनसम्म, अब सबै लेनदेनबाटै!

“यो हिसाब पछि मिलाउँला”, “अर्को पटक आउँदा पैसा दिनुहोला” जस्ता कुरा साना व्यवसायमा सामान्य हुन् । ग्राहक नियमित छन्, कारोबार चलिरहेको छ र उधारो पनि दैनिक कारोबारकै एउटा हिस्सा बनेको हुन्छ ।

तर दिनभरि यस्तै कारोबार दोहोरिँदा सबै हिसाब सम्झेर राख्न सजिलो हुँदैन । कसैको पुरानो रकम बाँकी हुन सक्छ, कसैले केही रकम तिरेर फेरि उधारो थपेको हुन सक्छ, त कसैलाई भुक्तानी सम्झाउनुपर्ने समय भइसकेको हुन सक्छ । समस्या त्यतिबेला सुरु हुन्छ, जब कुन ग्राहकको कति रकम बाँकी छ भन्ने कुरा सम्झनामा, कापीका पानामा वा छुट्टाछुट्टै हिसाबमा खोज्नुपर्ने अवस्था आउँछ ।

यही दैनिक कामलाई अझ व्यवस्थित बनाउन लेनदेन आएको छ । ग्राहकको उधारो हिसाब राख्नेदेखि बाँकी रकमको भुक्तानी सम्झाउनसम्म, उधारो व्यवस्थापनका यी कामलाई एउटै प्रक्रियामा ल्याउन लेनदेन ले सहयोग गर्छ ।

अब लेनदेनले कसरी काम गर्छ र दैनिक उधारो व्यवस्थापनलाई कसरी सहज बनाउन सक्छ?

लेनदेन के हो?

उधारो कारोबारलाई व्यवस्थित गर्न व्यवसायीले ग्राहकको हिसाब राख्नेदेखि बाँकी रकमको भुक्तानी सम्झाउनसम्म विभिन्न काम गर्नुपर्छ । लेनदेनले यी दैनिक कामलाई एउटै प्रक्रियामा व्यवस्थापन गर्दै eSewa मार्फत रकम अनुरोध गरी भुक्तानी प्राप्त गर्न पनि सहज बनाउँछ ।

लेनदेन, eSewa Business App भित्र उपलब्ध उधारो व्यवस्थापनसम्बन्धी सुविधा हो । यसमार्फत व्यवसायीले ग्राहकलाई सिस्टममा add गरी उधारो कारोबारको डिजिटल रेकर्ड राख्न, बाँकी रकमको भुक्तानीका लागि app बाटै notify गर्न तथा eSewa मार्फत रकम अनुरोध गरी भुक्तानी प्राप्त गर्न सक्छन् । 

लेनदेनको उद्देश्य केवल कापीको उधारो हिसाबलाई डिजिटल बनाउनु मात्र होइन । कुन ग्राहकको कति रकम बाँकी छ भन्ने जानकारी राख्न र त्यसको भुक्तानी व्यवस्थापनलाई सहज बनाउन व्यवसायीलाई सहयोग गर्नु हो ।

१. ग्राहकको उधारो हिसाब व्यवस्थित रूपमा राख्न सकिन्छ ।

दैनिक कारोबारमा एउटै ग्राहकसँग पटक–पटक उधारो कारोबार हुन सक्छ । कसैले पुरानो रकमको केही हिस्सा तिर्न सक्छ, फेरि नयाँ सामान उधारोमा लिन सक्छ । ग्राहक र कारोबारको संख्या बढ्दै जाँदा यस्ता सबै विवरण सम्झनामा मात्र राख्न सजिलो हुँदैन ।

उधारोको कुनै कारोबार लेख्न छुट्दा वा पुरानो हिसाब समयमै अद्यावधिक नहुँदा, उठ्नुपर्ने रकम नै छुट्ने अवस्था आउन सक्छ । सानो रकम जस्तो देखिए पनि यस्ता हिसाब धेरै ग्राहकमा बाँकी रहँदा व्यवसायमा ठूलो असर पर्न सक्छ ।

लेनदेनमा ग्राहक add गरि सम्बन्धित उधारो कारोबारको रेकर्ड राख्न सकिन्छ । यसले व्यवसायीलाई ग्राहकअनुसारको हिसाब व्यवस्थित रूपमा राख्न र आवश्यक पर्दा हेर्न सहज बनाउँछ ।

यसरी हरेक कारोबार सम्झनामा राख्नुपर्ने वा पुरानो हिसाब खोज्दै बस्नुपर्ने झन्झट कम गर्दै, उधारोको रेकर्डलाई व्यवस्थित रूपमा राख्न सकिन्छ ।

२. उठ्न बाँकी रकमबारे स्पष्ट जानकारी

एउटा ग्राहकको सानो रकमभन्दा पनि धेरै ग्राहकबाट उठ्न बाँकी रकम जोडिँदा व्यवसायमा उल्लेख्य रकम अड्किएको हुन सक्छ । तर दैनिक बिक्री र अन्य कारोबारबीच कुल कति रकम उठ्न बाँकी छ भन्ने कुरा छुट्टै हिसाब नगरी बुझ्न सजिलो हुँदैन ।

लेनदेनमा राखिएको उधारो रेकर्डका आधारमा व्यवसायीले ग्राहकअनुसारको बाँकी हिसाब हेर्न सक्छन् । यसले कुन ग्राहकबाट कति रकम उठ्न बाँकी छ भन्ने जानकारी स्पष्ट रूपमा राख्न सहयोग गर्छ ।

यस्तो जानकारी स्पष्ट हुँदा व्यवसायीलाई आफ्नो उधारो कारोबारको अवस्था बुझ्न र कुन रकमको फलो-अप आवश्यक छ भन्नेबारे निर्णय गर्न सहज हुन्छ ।

३. भुक्तानीका लागि  Notify गर्न पनि सहज

उधारोको रकम कति बाँकी छ भन्ने थाहा हुनु एउटा कुरा हो, तर समयमै भुक्तानीका लागि  Notify गर्नु अर्को चुनौती हो । विशेषगरी नियमित ग्राहकसँग कारोबार गर्दा बारम्बार पैसा सम्झाउनुपर्ने अवस्था व्यवसायीका लागि सहज नहुन सक्छ ।

लेनदेनमा राखिएको उधारो हिसाबका आधारमा बाँकी भुक्तानीबारे ग्राहकलाई सजिलै सुचित गर्न सकिन्छ । eSewa प्रयोग गर्ने ग्राहकका लागि भुक्तानीको सम्झना स्वतः पठाउन सकिने सुविधाले व्यवसायीलाई हरेक पटक छुट्टै फलो-अप गर्नुपर्ने झन्झट कम गर्न सहयोग गर्छ ।

यसरी उधारोको हिसाब राख्ने कामसँगै समयमै भुक्तानीका लागि  ग्राहकलाई सम्झाउने प्रक्रियालाई पनि व्यवस्थित गर्न सकिन्छ, जसले व्यवसायीलाई आफ्नो बाँकी रकमको फलो-अप गर्न थप सहज बनाउँछ ।

लेनदेन कसरी काम गर्छ?

लेनदेनको प्रयोग एकदमै सरल र सहज छ । एक व्यापारीको रूपमा तपाईंले आफ्नो उधारो हिसाब यसरी व्यवस्थित गर्न सक्नुहुन्छ:

• ग्राहक Add गर्नुहोस्: उधारो कारोबार हुने ग्राहकको नाम र विवरण लेनदेनमा राख्नुहोस् ।
• उधारो हिसाब राख्नुहोस्: कुन ग्राहकलाई कति रकम वा सामान उधारो दिनुभयो, मितिसहित तुरुन्तै Entry गर्नुहोस्  ।
• बाँकी रकम हेर्नुहोस्: कुन ग्राहकको कति हिसाब उठ्न बाँकी छ, तपाईंले जुनसुकै बेला एकै ठाउँबाट हेर्न सक्नुहुन्छ।
• भुक्तानीका लागि ग्राहकलाई Notify गर्नुहोस्: समयमा रकम असुल गर्न ग्राहकलाई सजिलै फलो-अप वा भुक्तानीको Reminder पठाउनुहोस् ।

यसरी ग्राहक जोड्नेदेखि हिसाब-किताब राख्ने र भुक्तानीको फलो-अप गर्नेसम्मका सम्पूर्ण काम तपाईंले लेनदेन मार्फत एउटै ठाउँबाट सजिलै सम्हाल्न सक्नुहुन्छ ।

लेनदेन कसका लागि हो?

लेनदेन ग्राहकलाई उधारोमा सामान वा सेवा दिने व्यवसायलाई आफ्नो उधारो कारोबार व्यवस्थित गर्न बनाइएको हो । किराना पसल, खाजा घर तथा क्याफे, मासु पसल र सडकमा व्यवसाय गर्ने व्यापारीहरू यसका प्रमुख प्रयोगकर्तामध्ये पर्छन् ।

यदि व्यवसायमा ग्राहकको उधारो हिसाब राख्नुपर्छ, बाँकी रकम सम्झनुपर्छ र भुक्तानी लिन फलोअप गर्नुपर्छ भने, लेनदेनले यी कामलाई व्यवस्थित बनाउन मद्दत गर्छ ।

निष्कर्ष

उधारो कारोबार साना व्यवसायको दैनिक कामको एउटा सामान्य हिस्सा हो । तर ग्राहक र कारोबार बढ्दै जाँदा कसको कति रकम बाँकी छ भनेर हिसाब राख्ने र समयमै भुक्तानी सम्झाउने काम झन्झटिलो हुन सक्छ ।

लेनदेनले यही कामलाई सरल र व्यवस्थित बनाउन सहयोग गर्छ । ग्राहक थप्नेदेखि उधारोको रेकर्ड राख्ने, बाँकी रकम हेर्ने र भुक्तानीका लागि ग्राहकलाई Notify गर्नेसम्म, उधारो व्यवस्थापनका आवश्यक काम अब एउटै ठाउँबाट गर्न सकिन्छ ।

अब उधारोको हिसाब सम्झनामा वा कापीका पानामा खोजिरहनुपर्ने झन्झट कम गरौं । उधारो कारोबारको हिसाब लेनदेनमै व्यवस्थित गरौं ।