विश्वव्यापी माहामारीको रुप लिइरहेको यस कोरोना भाइरसका कारण जनजीवन अस्तव्यस्त बन्न पुगेको छ । व्यपार, व्यवसायहरु प्राय ठप्प छन् । यसै समयमा भाइरस संक्रमणको रोकथामका लागि विभिन्न निर्णयहरु लिइएका छन् र सामाजिक दुरी कायम गर्ने देखि लिएर साबुन पानीले हात धुने, स्यानिटाइजर प्रयोग गर्ने, मास्क लगाउने, इत्यादी मापदण्ड तोकिएका छन्।
यस समयमा कतिपय बिलहरु बुझाउन कार्यालयहरु बन्द छन् र यस अवस्थामा डिजिटल माध्यमबाट भुक्तानीको दर तिब्र गतिमा बढ्दो क्रममा छ । हामीले टेलिफोन, ईन्टरनेट, टि. भी. आदिका बिलहरु सजिलै आफ्नो मोबाईलबाट वा सेवा प्रदायकका एप वा वेबसाईटबाट हेर्न मिल्ने सुविधा त छदै छ, यही भयाभय स्थितिलाई मध्यनजर गर्दै नेपाल विद्युत प्राधिकारणले पनि आफैले मिटर रिडिङ गर्न मिल्ने सुविधा उपलब्ध गराएको छ । https://consumer.nea.org.np/ यस साइटमा गइ ग्राहकहरुले आफ्नो खाता बनाइ सजिलै बिजुलीको बिल कति उठ्यो भनेर हेर्न सक्नु हुनेछ । सोही रकम इसेवामा हेरी महशुल भुक्तानी गर्न सक्नु हुनेछ । आफ्नो घर वा कार्यालयमा जडित मिटर बाकसमा उठेको मिटर अंक र गत महिनाको मिटर अंक राखी बिल हेर्न सक्नु हुनेछ र सजिलै विद्युतको महशुल इसेवाबाट बुझाउन सक्नु हुनेछ ।
https://consumer.nea.org.np/ मा गइ कसरी आफै बिल हेर्ने बारे निम्न प्रकृया अप्नाउनुहोस् ।
१. सर्वप्रथम ग्राहकले यस लिंकमा आफ्नो खाता बनाउनु पर्ने हुन्छ र यसका लागि दाया पट्टी रहेको Login/ Regiter मा Register मा क्लिक गर्नुहोस् ।
२. यहाँ देखाइएका विवरणहरु जस्तै ग्राहकको नाम, ईमेल, मोबाईल नम्बर, र पास्वर्ड राखी पुन: पास्वर्ड राखी reCAPTCHA मा चिन्ह लगाइ Submit मा क्लिक गर्नुहोस् ।
यति गरे पछि तपाईंको खाता बन्ने छ ।
अब मिटर अंक राख्नका लागि Username र पास्वर्ड राखि लग इन गर्नुहोस् र Add consumer मा क्लिक गर्नुहोस् ।
- विद्युत महशुल भुक्तानी गर्ने शाखा छान्नुहोस्
- Consumer ID राख्नुहोस्
- S.C. Number राख्नुहोस् र Submit मा क्लिक गर्नुहोस्
यहाँ तपाईंको विवरण दाखिला भएको छ ।
अब Click मा थिच्नुहोस् र कति AMPHS को हो राख्नुहोस् ।
यहाँ कुन महिनाको बिल हेर्दै हुनुहुन्छ राख्नुहोस् र हालको मिटर रिडिङ राखी Submit मा क्लिक गर्नुहोस् । यति गरेपछि तपाईंको महशुल देख्नु हुनेछ ।
यसरी सजिलै विद्युतको महशुल हेरी इसेवाबाट महशुल बुझाउनुहोस् ।
के तपाईंको मोबाईलमा इसेवा एप छैन ? आजै डाउनलोड गर्नुहोस्: bit.ly/eSewa_App
हाम्रा सबै प्रकारका अफर र योजनाका बारेमा हामी सामाजिक संजालहरूमा नियमित पोस्ट गर्ने गर्दछौँ । कुनैपनि अपडेटहरु नछुटाउन हामीलाई Facebook, Instagram, Twitter, र Viber Community मा follow गर्नुहोस्।
अब बिजुलीको बिल कति उठ्यो आफै हेर्नुहोस्।
