प्रसिद्ध अन्तराष्ट्रिय अनलाइन पेमेन्ट प्रोसेसिङ सिस्टम स्क्रिल (Skrill) ले नेपालका लागि स्क्रिल अकाउन्टमा रहेको रकम सिधै झिकेर इसेवा वालेटमा राख्न सकिने विकल्प थपेकाे छ ।
अन्तराष्ट्रिय मनि ट्रान्सफर सेवा उपलब्ध गराउदै आएको वेलायती कम्पनी स्क्रिल ले कम दरमा अन्तराष्ट्रियस्तरमा रकम ट्रान्फर गर्दै आएको छ । स्क्रिलले हालै होमसेन्ड (HomeSend) सँग साझेदारी गरेको छ । हा]मसेन्ड मास्टरकार्ड, विआइसिएस र इसर्भग्लोबजस्ता अन्तराष्ट्रिय मनी ट्रान्सफरको संयुक्त सहकार्य हो ।
नेपालको लोकप्रिय लोकल अनलाइन पेमेन्ट गेटवेको रुपमा इसेवालाई लिइन्छ । इसेवाबाट विल भुक्तानी गर्न, सामग्रीहरु खरिद गर्न र लोकल ब्यांक अकाउन्टमा पैसा ट्रान्सफर पनि गर्न सकिन्छ । पेपलमा जस्तै इसेवाबाट पनि विभिन्न अनलाइन कारोबारहरु गर्न सकिन्छ । सिनेमाको टिकेट, अनलाइन खरिदजस्ता कारोबार गर्न सकिन्छ । नेपालमा अनलाइन कारोबार गर्नको लागि इसेवा सबैभन्दा भरपर्दो माध्यममा पर्दछ ।
स्क्रिलबाट रकम झिकेर कसरी इसेवा वालेटमा जम्मा गर्ने ?
तपाईको स्क्रिल अकाउन्टबाट इसेवा वालेटमा रकम जम्मा गर्नको लागि तपाइले स्क्रिलमा लगइन गर्नुहोस् । त्यसपछि मेन्युको माथिल्लो भागमा रहेको मोबाइल वालेट्स विकल्पमा क्लिक गर्नुस् । अब सूचिमा रहेको ‘इसेवा नेपाल’ विकल्प रोज्नुहोस् र तपाईले इसेवा रजिस्टर गर्दा प्रयोग गरेको फोन नं. राख्नुहोस् ।
एकपटक तपाईले आफ्नो स्क्रिल अकाउन्टमा इसेवा वालेट विकल्प थप्नुभएपछि ड्यासवोर्डको पुछारमा रहेको ‘विथड्रल’ वटनमा क्लिक गरेर आफूले चाहेको रकम तपाइको इसेवा वालेटमा ट्रान्सफर गर्न सक्नुहुन्छ । यसबीचमा तपाइको इसेवा अकाउन्टमा रकम प्राप्त भएको नोटिफिकेशन इसेवाको एसएमएसमार्फत पाएको हुनुपर्दछ ।
यसरी स्क्रिलबाट इसेवामा रकम ट्रान्सफर गर्दा झिकेको जम्मा रकमको १ प्रतिशत स्क्रिलले काट्दछ ।
Source: Living With ICT (https://livingwithict.com/withdraw-skrill-funds-via-esewa-from-nepal/)