Pay Vehicle Insurance and Renew Blue Book Easily

बागमती प्रदेश सरकारले यातायात क्षेत्रको समग्र व्यवस्थापनको लागि “प्रदेश सवारी तथा यातायात व्यवस्था ऐन, 2075” जारी गरी कार्यान्वयनमा ल्याएको छ । सोहि ऐनको व्यवस्था बमोजिम विद्युतीय माध्यमबाट यातायात क्षेत्रको सेवा प्रवाह र राजस्व भुक्तानी प्रणालीलाई व्यवस्थित गर्न “विद्युतीय माध्यमबाट यातायात क्षेत्रको सेवा प्रवाह तथा राजस्व भुक्तानी नियमावली, २०७८” समेत जारी गरी कार्यान्वयनमा ल्याएको छ ।सवारीसाधनको विवरणलाई व्यवस्थित गरी प्रविधिमैत्री बनाउँदै प्रभावकारी सेवा प्रवाह गर्न Tax Calculator Module सहितको अनलाइन भुक्तानी प्रणालीमा आवद्धता गरिएको सुधारयुक्त सवारी दर्ता प्रणालीको (Upgraded Vehicle Registration System) सञ्चालन गर्नका लागि “विद्युतीय माध्यमबाट यातायात क्षेत्रको सेवा प्रवाह तथा राजस्व भुक्तानी नियमावली, २०७८” बमोजिम यातायात व्यवस्थापन सूचना प्रणाली (TMIS) को विकास गरी कार्यान्वयनमा ल्याईएको छ ।

आफ्ना प्रयोगकर्ताहरुलाई विभिन्न भुक्तानी सेवा दिइरहेको इसेवामा अब सवारी बीमा बुझाउने देखि लिएर ब्लु बूक नविकरण (Blue Book Renew) गर्ने सुविधा समेत आइसकेको छ । 

ब्लु बुक नविकरण गर्न निम्न प्रकृया अपनाउनुहोस् ।

१) इसेवा एप/ वेबमा रहेको Govt. Payment खन्ड भित्र Bluebook Renewal मा जानुहोस् । आवश्यक विवरणहरु भर्नुहोस् । 

२) तपाईं को सवारी पहिले नै Transportation Management Information System (TMIS) मा दर्ता रहेको छ भने देखाइएको रकम रुजु गरी भुक्तानी सम्पन्न गर्नुहोस्  ।

३) तपाईं को सवारी Transportation Management Information System (TMIS) मा दर्ता नभएको खन्डमा चित्र मा देखाइएको जस्तो Alert Message देख्नुहुनेछ । 

४) “Register Now” मा थिचेर अगाडि बढ्नुहोस् । आवश्यक विवरण सहि तरिका ले भर्नुहोस् र Register मा थिच्नुहोस् । 

५) Register गर्नु भए पस्चात बुदां २ मा देखाएको झै भुक्तानी गर्नु पर्ने रकम देखिने छ , उक्त रकम भुक्तानी गर्नुहोस् र प्राप्त रसिद को प्रिन्ट लिएर आफ्नो सक्कल ब्लुबूक का साथ आफुले छान्नुभएको यातायात कार्यालय गएर छाप लगाउनुहोस् । 

बारम्बार सोधिने प्रश्नहरु:

१. मेरो सवारी विवरण देखाइरहेको छैन । के गर्ने ?

— तपाईंको सवारी विवरण TMIS मा अझै दाखिला नभएको हुँदा इसेवामा विवरण नदेखिएको हो । कृपया TMIS मा गइ विवरण दाखिला गर्नुहोस् । नागरिक एपबाट पनि सवारी विवरण अध्यावधिक गर्न सक्नुहुनेछ ।

२. मैले सवारी बीमा बुझाएको छैन, ब्लु बूक नविकरण गर्न पाउछु ?

— इसेवा मा रहेको Third Party Insurance मार्फत तेश्रो पक्ष सवारी बीमा गरे पश्चात ब्लु बुक नवीकरण शुल्क भुक्तानी गर्न सक्नुहुनेछ । 

३. मेरो ब्लु बूकमा कसरी सही वा छाप लाग्छ ?

— सवारी बीमा बुझाइ ब्लु बूक नविकरण गरिसकेपछि सही वा छापका लागि ३० दिन भित्र भुक्तानी गर्नु भएको भौचरका साथ आफ्नो यातायात व्यवस्था कार्यालय पुग्नु पर्ने हुन्छ ।

४. ब्लु बुक नविकरण बापत कुनै अतिरिक्त  शुल्क तिर्नु पर्छ कि पर्दैन ?

— ब्लु बुक नविकरण बापत लाग्ने अतिरिक्त शुल्क नेपाल राष्ट्र बैंकको निर्देशन बमोजिम हुने जानकारी गराउन चाहन्छौं ।

५. बाग्मती प्रदेश बाहेक अन्य ठाउँमा यो सेवा उपलब्ध छ कि छैन ? 

— हाललाई यो सेवा बाग्मती प्रदेशबाट शुरुवात भएको र निकट भविष्यमा अन्य प्रदेशमा बिस्तार हुँदै जाने जानकारी गराउदछौं ।

६. अनलाइन भुक्तानी गर्दा पनि छाप लगाउन कार्यलय जानै पर्ने बाध्यता किन ?  

— भविष्यमा सम्पूर्ण प्रकृया नै अनलाइन हुने नै छ ,पूर्ण सिस्टम बन्ने क्रममा रहेकाले हाललाई छाप लगाउने कार्यकालागी यातायात कार्यालय जानु पर्ने भएको हो , निकट भविष्यमा नै यो प्रकृया सबै अनलाइन हुनेछ । 

---

के तपाईंको मोबाईलमा इसेवा एप छैन ? आजै डाउनलोड गर्नुहोस्: eSewa App

हाम्रा सबै प्रकारका अफर र योजनाका बारेमा हामी सामाजिक संजालहरूमा नियमित पोस्ट गर्ने गर्दछौँ । कुनैपनि अपडेटहरु नछुटाउन हामीलाई Facebook, Instagram, Twitter, र Viber Community मा follow गर्नुहोस्।