हवाई यात्रा गर्दा अपनाउनु पर्ने नियमहरु

अहिले हवाई सेवा पुन: सुचारु गरिएको छ । कोविडको माहामारीका अवस्थामा हामी सबैको सहजताका लागि सुचारु गरिएको यस व्यवस्थालाई मध्य नजर गर्दै हामी सबै सजग भइ यात्रा गर्नु आवश्यक छ ।

हवाई यात्रा गर्दै हुनुहुन्छ भने यात्रुहरुले तल उल्लेखित नियमहरु अनिवार्य रुपमा पालना गर्नु पर्ने हुन्छ ।

कोविड – १९ को अवस्थामा सुरक्षित यात्राको लागि अपनाईएको केही नियमहरु:

१. सत्तरी (७०) वर्ष माथीका वृद्ध, दीर्घ रोगी र गर्भवती महिलालाई सकेसम्म यात्रा नर्गन अनुरोध गरिन्छ ।

२. यात्रुहरुलाई उडान हुनु भन्दा २ घण्टा अगाडि नै विमानस्थलमा आउन अनुरोध गरिन्छ ।

३. सम्पूर्ण यात्रुहरुको शरीरको तापक्रम चेक जाँच गरेरमात्र विमानस्थल र वायुयानमा प्रवेश दिईने छ ।

४. यात्रुहरुले विमानस्थलमा र वायुयानमा अनिवार्य रुपमा मास्क लगाई रहनु पर्नेछ ।

५. कोविड–१९ का संक्रमित तथा यसका लक्षण भएका व्यक्तिहरुलाई यात्रामा प्रतिबन्ध लगाइएको छ ।

६. यात्रुहरुले विमानस्थलभित्र रहँदा, सुरक्षा जाँचको क्रममा, चेक–ईन काउण्टरमा पालो पर्खँदा, विमान

चढ्दा, ओर्लदा र सामान संकलन गर्दा अनिवार्य रुपमा भौतिक दुरी कायम गर्नु पर्नेछ ।

७. यात्रुहरुले विमान चढ्नु अगाडि ह्याण्ड स्यानिटाईज लगाई मास्क तथा फेस भाईजरको लगाउन

अनिवार्य गरिएको छ ।

८. यात्रुहरुलाई क्याविनमा सानो हाते झोला बाहेक अन्य झोलाहरु लैजान निषेध गरिएको छ ।

९. हरेक यात्रुहरुले विमानस्थलबाट यात्रा गर्नु अगाडि विभिन्न फारामहरु अनिवार्य रुपमा भर्नुपर्ने छ ।

यसका लागि आवश्यक कलम सकेसम्म आफैले ल्याउन अनुरोध गरिएको छ ।

१०. यात्रुहरुको लगेज तथा सामान निसंक्रमण गरेर मात्र विमानमा लोड गरिने छ ।

११. अर्को सूचना जारी नभए सम्म विमानबाट घरपालुवा जनावरहरु ओसारपसार गर्न रोक लगाईएको छ ।

१२ यात्रुहरुलाई सिट नम्बरको आधारमा विमानभित्र चढाउने र ओराल्ने व्यवस्था गरिने छ ।

१३. विमानको क्याविन, र्‍याम्प बस, ब्यागेज ट्रली प्रत्येक प्रयोग पश्चात निसंक्रमण गरिन्छ ।

१४. यसअघि विमानभित्र उपलब्ध भएका सेवाहरु हाललाई स्थगित गरिएको छ ।

१५. विमान भित्र हाललाई शौचालयको प्रयोग गर्न, बसिसकेपछि हिडडुल गर्न र अनावश्यक रुपमा यताउती

छुन रोक लगाइएको छ ।

१६. संक्रमण रोकथामका लागी उल्लेखित नियमहरुको अनिवार्य पालना गर्नु सबैको कर्तव्य हो अन्यथा

कानूनी कार्वाहीको भागिदार हुनेछ ।